前瞻：意甲:AC出征闯关「卡」

前瞻：意甲:AC出征闯关「卡」
正所谓问君能有几多愁，古人就话藉此嚟感叹人生无常嘅哀歌，但今时今日嘅意甲赛场同样有一班球迷愁爆。作為AC米兰嘅拥躉喺今季绝对唔好过，皆因球队开咧至今走势差到冇朋友，如果嚟紧下礼拜一凌晨未能喺卡利亚里地头笑到最后，AC恐怕日子会更加唔好过。
用屋漏偏逢连夜雨嚟形容如今嘅AC相信绝不為过，佢的经过去年夏天嘅连番引援一度成為争冠热门之一，但20轮过后仅列11名嘅战绩恐怕连最悲观嘅球评家都未能预测。而且班主李勇鸿近期被传深陷资金危机，AC随时会遭遇掛牌出售嘅悲惨下场。不过场外嘅事情球员就话无能為力，但球场内嘅事情就可以话系责无旁贷。虽然喺短暂嘅歇冬期前击败克罗托内重返胜轨，但对於此前失分连连嘅AC嚟讲亦仅属杯水车薪。不过本轮赛事走访排名接近降班区域兼且上一次联赛主场称雄已经要追溯到上年11月头嘅卡利亚里，AC确实迎嚟左连胜嘅契机。虽则争冠已成泡影，但如果持续插水实在系无面。
睇返人脚上，主队卡利亚里有进攻欲望不俗嘅中场祖奥柏度被罚坐波监，对於过去4轮联赛3次吞蛋嘅佢的嚟讲影响颇大。至於AC，虽则后卫安德列干迪和中场荷西马奥尼因伤高掛免战牌，但球队班底厚度足以弥补相关位置嘅轮转。而且喺状态提升嘅攻击手卡汉路古嘅带动下，AC进攻力度显然喺卡利亚里之上。目前澳彩亚洲让球盘开出AC让半球嘅盘口，各位波友不妨再对佢的投下信心一票。

来源：天下足球直播网 txzqzhibo.com