前瞻：葡超:波图主迎甘马雷斯大波格

前瞻：葡超:波图主迎甘马雷斯大波格
葡超冠军争夺向来系小圈子游戏，今季同样唔例外，波图、士砵亭和宾菲加呢三支国内豪门皆盘踞喺联赛积分榜三甲位置。不过由於分差加埋都无两场波差距，因此失分空间可以话系零。而对於一哥波图嚟讲，下礼拜一凌晨主迎近况不佳嘅甘马雷斯嘅赛事，攞足3分绝无价讲。
波图近期有几巴闭？过去7仗各项赛事保持全胜，均场可以攻入3.57波；而且佢的上一次吞下败仗已经要追溯到上年10月份；至於喺联赛上，头16轮豪取13胜3和之餘，主场8战过后亦留下7胜1和嘅恐怖战绩。与此同时，正所谓锋线拥有双箭头，进攻梗系唔使愁，阿布巴卡和马雷伽呢对黑旋风组合喺神射手榜分列第二同第四位，足以為球队争胜保驾护航。更加重要嘅系，波图已经连续4年失落联赛锦标，喺身后追兵穷追不捨嘅情况下，佢的如今确实不容大意。当然波图并非全无隐忧，后卫菲腊比蒙迪路就因上仗联赛染红今仗被罚坐波监。不过是役对手甘马雷斯亦相当「配合」，「让」出前后场万金油维加里奥(同样被罚停赛)，但对於近期整体表现(包括盘路)都未如人意嘅甘马雷斯而言，今铺想喺势头正劲嘅波图地头製造威胁实在系痴人说梦话。
至於盘路方面，进攻火力旺盛嘅波图过去一段时间各项赛事都往往会大手笔交易，而且最近一次面对甘马雷斯亦喜送四蛋，因此今仗落注上盘肯定有肉食。如果话想串返条过关飞，相信波图主胜亦系铁胆嘅不二之选。

来源：天下足球直播网 txzqzhibo.com